Elmi xəbərlərHəyatın təkamülüTexnologiyaTibb

İlk dəfə tor qişa okklyuziyası əməliyyatında robot-cərrah iştirak edib

Belçikalı mütəxəssislər robotlaşdırılmış qurğu köməyilə ilk uğurlu tor qişa venası okklyuziyası əməliyyatını həyata keçiriblər.

Tor qişa okklyuziyası damar tıxanıqlığından irəli gəlir ki, bu da öz növbəsində görmənin zəifləməsinə gətirib çıxarır. Okklyuziyanın müalicəsində tromboz fəsadlarının qarşısının alınması üçün adətən gözdaxili inyeksiyalardan istifadə olunur. Trombu zərərsizləşdirməyin universal üsulu isə bu günə qədər mövcud deyildi: diametri az olduğu üçün (0,1 millimetr), iynənin yeridilməsi əsnasında venanın zədələnməsi riski böyükdür.

Bundan daha əvvəlsə belçikalı alimlər xüsusi bir robotun iştirakı ilə tor qişa venasının kateterizasiyası üsulunu hazırlamışdılar. Əməliyyatın gedişatında cərrah tıxanmış venaya qurğu köməyilə 0,03 millimetr diametri olan iynə yeridir. Bu vaxt robot həkimin mikro-hərəkətlərinə düzəliş edərək, onları stabilləşdirir, iynə yeridildikdən sonra isə inyeksiya tam başa çatanadək on dəqiqə ərzində onu tutmağa davam edir.

Kliniki təcrübələrin birinci fazası çərçivəsində ilk belə əməliyyat 2017-ci ilin yanvar ayının 12-si həyata keçirilib. Həkimlərin dediyinə görə, pasient özünü yaxşı hiss edir. Təcrübələrin ikinci fazasında mütəxəssislər pasientin görmə qabiliyyətinin bərpası və s. kliniki effektləri yoxlamaq fikrindədirlər. Qeyd edilir ki, robot-cərrahın yaradılması üçün yeddi il vaxt lazım gəlib.

Əgər məqalələrimizdə qrammatik və orfoqrafik xətalar varsa, lütfən, xətalı qismi işarələyib Ctrl+Enter klaviş kombinasiyasından istifadə edərək bizə bildirin.

Daha çoxu

Rəvan Quluzadə

Yaşıl Elm platformasının yazarı və Həyatın Təkamülü bloqunun qurucusuyam. “Bakı Slavyan Universiteti”nin Tərcümə fakültəsini bitirmişəm.

Bənzər yazılar

Rəy yazın

Bunlara da nəzər salın

Close
Close
%d bloqqer bunu bəyənir:

Yazı xətası

Qeydiniz redaktora göndəriləcək: